Работилницата беше спроведена од страна на Министерството за животна средина и просторно планирање (МЖСПП), Програмата за развој на Обедиинетите Нации (УНДП) и Германското друштво за интернационална соработка.
Павлина Здравева, (раководител на проект) ги презентираше наодите од Првиот двогодишен ревидиран изветај за климатски промени за секторите енергетски трансформации, транспорт, индустрија, земјоделство, шумарство и отпад, а Наташа Марковска (МАНУ) ги претстави сценаријата за ублажување на климатските промени во согласност со политиките на Конвенцијата за климатски промени и на ЕУ пакетот за клима и енергија. На оваа работилница се говореше и за Патот кон Париз 2015 – поддршка во определувањето на националниот придонес кон намалувањето на емисиите на стакленички гасови на светско ниво.
Членови на Националниот Комитет за климатски промени (претставници од сите релевантни институции) на оваа работилница имаамжност да го усвојат Првиот двогодишен ревидиран извештај за климатски промени. Учесниците дискутираа за наодите од извештајот и сценаријата како и за можните идни активности на национално ниво со цел ублажување на климатските промени и Патот кон Париз 2015. Преку дискусија и интерактивна работа, учесниците на работилницата се согласија дека оваа проблематика има потреба од поголема соработка меѓу институциите и добар консултативен процес низ кој треба да се помине.